Personal na binisita ng ating butihing Punong Bayan, 𝗞𝗴𝗴. 𝗝𝗮𝗻𝘂𝗮𝗿𝗶𝗼 𝗙𝗲𝗿𝗿𝘆 “𝗝𝗔𝗡” 𝗚𝗮𝗿𝗰𝗶𝗮, kasama sina 𝐊𝐨𝐧𝐬𝐞𝐡𝐚𝐥 𝐌𝐞𝐥𝐯𝐢𝐧 𝐌𝐚𝐝𝐫𝐢𝐚𝐠𝐚 at 𝐄𝐧𝐠𝐫 𝐌𝐢𝐤𝐞 𝐓𝐨𝐫𝐫𝐚𝐥𝐛𝐚 ang Pambayang Himlayan noong Oktubre 27, 2026, upang inspeksyunin ang mga paghahanda at tiyaking nasa maayos na kondisyon ang lugar bago dumagsa ang mga pamilya at mga kaanak na bibisita sa kanilang mga mahal sa buhay ngayong Undas 2026.

Mula sa kaayusan ng paligid hanggang sa kahandaan ng mga kinakailangang pasilidad, kagayan ng pailaw, kuryente at malinis na comfort room; binigyang-pansin ng Pamahalaang Bayan ang bawat detalyeng makatutulong upang maging maayos, ligtas at maginhawa ang pagdalaw sa sementeryo.

Prayoridad ng ating Punong Bayan ang pagiging handa, maagap at nakatuon sa kapakanan ng bawat mamamayan ang bawat programa at proyektong kaniyang isinusulong.

Kasabay ng preparasyon at paghahanda para sa Todo Los Santos, pinapaalalahanan ni 𝗠𝗮𝘆𝗼𝗿 𝗝𝗔𝗡 ang publiko na alalahanin ang mga yumaong mahal sa buhay, sa pamamagitan ng pagaalay ng panalangin at panatilihin ang kaayusan at kaligtasan ng lahat.