𝐌𝐀𝐋𝐈𝐖𝐀𝐍𝐀𝐆 𝐍𝐀 𝐏𝐀𝐆𝐒𝐀𝐍𝐉𝐀𝐍 𝟐𝟎𝟐𝟔: 𝐋𝐈𝐖𝐀𝐍𝐀𝐆 𝐀𝐓 𝐊𝐀𝐀𝐘𝐔𝐒𝐀𝐍 𝐏𝐀𝐑𝐀 𝐒𝐀 𝐌𝐆𝐀 𝐏𝐀𝐆𝐒𝐀𝐍𝐉𝐄Ñ𝐎𝐒!

Bilang bahagi ng paghahanda para sa paggunita ng Undas 2026, isinusulong ng Pamahalaang Bayan ng Pagsanjan ang programang “Maliwanag na Pagsanjan” sa pangunguna ni Punong Bayan Januario Ferry G. Garcia.

Layunin ng proyektong ito na magkaroon ng mas maliwanag, maayos, at ligtas na kapaligiran para sa mga Pagsanjeños at mga pamilyang dadalaw sa sementeryo upang alalahanin at bigyang-pugay ang kanilang mga yumaong mahal sa buhay.

Lubos ding kinikilala at pinasasalamatan ang lahat ng kawani, manggagawa, at indibidwal na naging bahagi ng paghahanda at pagsasakatuparan ng proyektong ito. Ang kanilang oras, pagod, dedikasyon, at sama-samang pagtutulungan ang naging mahalagang bahagi upang maisakatuparan ang programang ito. Kung wala ang kanilang suporta at pagsisikap, hindi magiging posible ang proyektong naglalayong maghatid ng liwanag at kaayusan para sa buong pamayanan.

Isang patunay na sa pamamagitan ng pagkakaisa at pagtutulungan, mas maraming makabuluhang programa ang maisasakatuparan para sa kapakanan ng bawat Pagsanjeño.

Maliwanag na Pagsanjan, bunga ng sama-samang pagkilos para sa ating bayan!