Binisita ng ating Punong Bayan, 𝐊𝐠𝐠. 𝐉𝐚𝐧𝐮𝐚𝐫𝐢𝐨 𝐅𝐞𝐫𝐫𝐲 “𝐉𝐀𝐍” 𝐆𝐚𝐫𝐜𝐢𝐚, ang 𝙏𝙧𝙖𝙙𝙞𝙣𝙜 𝙋𝙤𝙨𝙩 bilang bahagi ng patuloy na pagsusulong ng mga pasilidad na magbibigay ng mas maayos at kapaki-pakinabang na serbisyo sa mga mamamayan ng Pagsanjan na matatagpuan sa Barangay Biñan, (likod ng Bingguhan). Kasama ni 𝐌𝐚𝐲𝐨𝐫 𝐉𝐚𝐧 𝐆𝐚𝐫𝐜𝐢𝐚 sina 𝐊𝐨𝐧𝐬𝐞𝐡𝐚𝐥 𝐌𝐞𝐥𝐯𝐢𝐧 𝐌𝐚𝐝𝐫𝐢𝐚𝐠𝐚, 𝐊𝐨𝐧𝐬𝐞𝐡𝐚𝐥 𝐍𝐨𝐞𝐥 𝐂𝐚𝐛𝐞𝐥𝐚 at 𝐄𝐧𝐠𝐫. 𝐌𝐢𝐤𝐞 𝐓𝐨𝐫𝐫𝐚𝐥𝐛𝐚 sa naturang inspeksiyon ng pasilidad upang matiyak na maaari na ditong maglagak ng mga paninda sa pormal na pagbubukas nito.

Higit pa sa isang pasilidad, mahalaga ang Agricultural Trading Post sa paglikha ng mas maayos na ugnayan sa pagitan ng mga magsasaka, nagtitinda, at mga mamimiling umaasa sa palengke para sa kanilang pang-araw-araw na pangangailangan. Ang mga gulay na inilalako at iba pang mga pangunahing bilihin na inuuwi sa hapag-kainan, ay mahalagang matiyak na ang pamimili ay maayos, maginhawa, malinis at kapaki-pakinabang para sa bawat pamilyang Pagsanjeño.

Isang Pagsanjan na may pantay na pagkakataon para sa lahat. Isang paglilingkuran lahat ay kasali at walang maiiwan - ito ang patuloy na isinusulong ni 𝐌𝐚𝐲𝐨𝐫 𝐉𝐀𝐍 𝐆𝐚𝐫𝐜𝐢𝐚, kung saan, nakatutok ang ating mga lokal na programa sa pagbibigay ng de-kalidad na serbisyo sa mga pamilyang Pagsanjeño at sa pagpapalakas ng lokal na ekonomiya sa pamamagitan ng mga bagong pasilidad. Ang pag-unlad ng bayan ay pag-unlad ng bawat mamamayan.

𝙎𝙚𝙧𝙗𝙞𝙨𝙮𝙤𝙣𝙜 𝙢𝙖𝙮 𝙋𝙪𝙨𝙤𝙣𝙜 𝙋𝙖𝙜𝙨𝙖𝙣𝙅𝘼𝙉, 𝙠𝙖𝙪𝙣𝙡𝙖𝙧𝙖𝙣𝙜 𝙧𝙖𝙢𝙙𝙖𝙢 𝙣𝙜 𝙗𝙖𝙬𝙖𝙩 𝙢𝙖𝙢𝙖𝙢𝙖𝙮𝙖𝙣!