Bilang pagkilala sa sakripisyo at mahalagang ambag ng mga Overseas Filipino Workers (OFWs) sa kanilang mga pamilya at sa bayan, matagumpay na isinagawa ang 𝐎𝐖𝐖𝐀 𝐂𝐀𝐋𝐀𝐁𝐀𝐑𝐙𝐎𝐍 𝐎𝐧-𝐖𝐡𝐞𝐞𝐥𝐬 sa 𝐏𝐚𝐠𝐬𝐚𝐧𝐣𝐚𝐧, 𝐋𝐚𝐠𝐮𝐧𝐚 noong Oktubre 2, 2026, sa Old Municipal Grand Hall. Dinaluhan ito ng humigit-kumulang 138 kalahok, kabilang ang mga OFW, kanilang mga pamilya at mga Pagsanjeño na nagnanais na malaman ang mga programang iniaalok ng Overseas Workers Welfare Administration (OWWA).

Sa pambungad na pananalita, malugod na tinanggap ni 𝐆𝐧𝐠. 𝐋𝐨𝐫𝐞𝐥𝐲𝐧 𝐃. 𝐒𝐚𝐠𝐚𝐥𝐞𝐬, PESO Manager, ang pagdating ng programa at ipinahayag ang pasasalamat sa patuloy na pakikipagtulungan ng OWWA sa Pamahalaang Lokal ng Pagsanjan upang higit na mapalapit sa mga mamamayan ang mga serbisyong kanilang kinakailangan.

Nagbigay naman ng mahalagang mensahe an gating butihing Punongbayan, 𝐊𝐠𝐠. 𝐉𝐚𝐧𝐮𝐚𝐫𝐢𝐨 𝐅𝐞𝐫𝐫𝐲 “𝐉𝐀𝐍” 𝐆. 𝐆𝐚𝐫𝐜𝐢𝐚, na nagpahayag ng pagkilala sa inisyatibang nagpapatibay sa ugnayan ng mga pambansa at lokal na ahensiya. Sa pamamagitan ng ganitong mga programa, higit na nagiging abot-kamay ng mga OFW at kanilang pamilya ang mga serbisyong makatutulong sa kanilang kapakanan at kinabukasan.

Pinangunahan ang aktibidad ng 𝐎𝐖𝐖𝐀 𝐂𝐀𝐋𝐀𝐁𝐀𝐑𝐙𝐎𝐍 sa ilalim ng pangangasiwa ni Laguna Area Supervisor, 𝐆𝐧𝐠. 𝐌𝐚𝐫𝐢𝐭𝐚 𝐂. 𝐀𝐛𝐥𝐢𝐬 at Family Welfare Officer 𝐆𝐧𝐠. 𝐒𝐭𝐞𝐩𝐡𝐚𝐧𝐧𝐲 𝐀. 𝐏𝐞𝐫𝐞𝐳, katuwang ang mga kawani mula sa iba’t ibang unit ng Regional Office.

Ang 𝐎𝐖𝐖𝐀 𝐎𝐧-𝐖𝐡𝐞𝐞𝐥𝐬 ay higit pa sa paghahatid ng mga serbisyo sa komunidad. Isa itong patunay na ang paglilingkod ay nagiging mas makabuluhan kapag ang pamahalaan mismo ang lumalapit sa mga mamamayan. Sa pamamagitan ng patuloy na pagtutulungan ng OWWA at Pamahalaang Lokal ng Pagsanjan, naipadarama sa ating mga OFW at kanilang mga mahal sa buhay na ang kanilang sakripisyo ay kinikilala at ang kanilang kapakanan ay nananatiling mahalagang bahagi ng pagsusulong ng isang mas maayos at matatag na kinabukasan.